Təlim mərkəzinə sənəd qəbulu

DALĞIC PEŞƏSİNƏ YİYƏLƏNMƏK İSTƏYƏN GƏNCLƏRİN NƏZƏRİNƏ!

SOCAR, Təlim, Tədris və Sertifikatlaşdırma İdarəsinin Dənizdə insan həyatının mühafizəsi üzrə Təlim Mərkəzinə “I-II ixtisaslaşdırılmış iş qrupu üzrə 4-cü dərəcəli istehsalat dalğıcı” peşəsi üzrə şagird qəbulu üçün müsabiqə elan edir.

I mərhələ - Elektron müraciətlərin qəbulu. Müsabiqədə aşağıdakı şərtlərə cavab verən gənclər iştirak edə bilərlər:

• Azərbaycan Respublikasının vətəndaşı olmalı
• 29 yaşı tamam olmamalı
• Ali təhsilli, Orta ixtisas təhsili və ya ən azı tam orta təhsili olmalı (hazırda təhsilini davam etdirən gənclər müraciət edə bilməzlər)
• Hərbi bileti olmalı (yararlı)

Əlavə olaraq, aşağıdakı fiziki göstəricilərə malik olmalı:

• Boy: minium 170 sm - maksimum 185 sm.;
• Çəki: minimum 70 kq - maksimum 90 kq.;
• Turnikdə ən az 7 dəfə dartınma;
• Suda 200 metr sərbəst (brass, krol) üzmə;
• Suda 4 metr dərinliyə enmə;
• Barakamerada 2 atmosfer təzyiqə davam gətirmə.

Elektron müraciətlərin qəbulu mərhələsi bittikdən sonra yuxarıda qeyd olunanan tələblərə cavab verən namizədlər II mərhələyə (test imtahanı) buraxılır.

II mərhələ - Test imtahanında riyaziyyat üzrə 20, fizika üzrə 10, Tarix və ümumi dövlətçilik üzrə 5, məntiqi təfəkkürün yoxlanılması üzrə 5 sual olmaqla ümumilikdə 40 sual təqdim olunacaqdır. Test imtahanında səhv cavabınız ümumi nəticəyə təsir etməyəcəkdir.

• Test İmtahanı üzrə suallar toplusunu buradan əldə etmək mümkündür.

Test imtahanl mərhələsi bittikdən sonra keçid balı ayrılmış yer sayına uyğun olaraq formalaşır. Məsələn, hər hansı bir peşə üzrə vakant yer sayı 10 olarsa, imtahanda 15 və ya daha yüksək bal toplamış namizədlər arasından həmin peşə üzrə ən yüksək nəticə göstərmiş ilk 10 nəfər müsahibə və sənədlərin yoxlanılması mərhələsinə buraxılır.

Müsabiqə şərtlərinə əsasən, bir neçə namizəd eyni bal topladığı halda və imtahan nəticələri bərabər olduqda, üstünlük aşağıdakı meyarlara görə müəyyən edilir:

• Təhsil pilləsi (səviyyəsi) daha yüksək olan namizədə üstünlük verilir.
• Təhsil pilləsi eyni olduqda isə, orta attestat (və ya diplom) balı daha yüksək olan iştirakçı üstün sayılır.

III mərhələ – müsahibə mərhələsinə gələn namizəd aşağıdakı sənədlərin əslini təqdim etməlidir:

• Şəxsiyyət vəsiqəsi
• Hərbi bilet (oğlanlar üçün)
• Attestat/ Diplom
• Sağlamlıq haqqında arayış (Forma 86)
• Rentgen flüoroqrafiyası

Müsahibə və sənədlərin yoxlanılması mərhələsindən uğurla keçən namizədlərə yuxarıda qeyd olunan fiziki göstəricilərin yoxlanılması üçün əlavə gün təyin edilir.

Şagirdlərin təhsil müddətində təminatları:

• Aylıq təqaüd
• Gündəlik nahar

Qeyd 1 : Orta ixtisas, ilk peşə və ali təhsilli namizədlər attestat əvəzinə diplom təqdim etməlidirlər.
Qeyd 2 : Qəbul bitdikdən sonra yuxarıda qeyd olunmuş qaydaların pozulması aşkarlandıqda qaydanı pozan şəxs dərhal müsabiqədən kənarlaşdırılacaqdır.
Qeyd 3 : SOCAR təlim mərkəzlərini bitirən şagirdlərin işlə təmin olunmaları ilə bağlı öhdəçilik daşımır.

Müraciətlər elektron formada qəbul olunur. Elektron müraciət formasını "Müraciət et" bölməsindən doldura bilərsiniz.

Qəbul haqqında hər hansı bir sualı olan vətəndaşlar ttsi@socar.az elektron poçt ünvanına yaza bilərlər.

Əlaqə nömrələri: (012) 521-00-00 (daxili: 48-049 / 48-056)

Müraciət üçün son tarix: 26 iyul 2026

Qəbul Komissiyası

NAMİZƏDLƏRİN NƏZƏRİNƏ!

SOCAR-ın Təlim, Tədris və Sertifikatlaşdırma İdarəsinin Təlim Mərkəzlərinə şagird qəbulunun "Müsahibə və sənədlərin əslinin yoxlanılması" mərhələsində uğur qazanan və qazanmayan namizədlərin siyahısı saytımızın Namizədlər bölməsində paylaşılmışdır. Nəzərinizə çatdırırıq ki, dərslərin başlaması 2026-cı ilin sentyabr ayına planlaşdırılır.

Qəbul Komissiyası

PEŞƏLƏR ÜZRƏ BOŞ QALAN YERLƏRƏ MÜRACİƏT EDƏNLƏRİN NƏZƏRİNƏ!

SOCAR-ın Təlim, Tədris və Sertifikatlaşdırma İdarəsinin Təlim Mərkəzlərinə şagird qəbulunda "Peşələr üzrə boş qalan yerlərə müraciət" başa çatmışdır. Boş qalan yerələrə müraciət edərək "Müsahibə və sənədlərin əslinin yoxlanılması" mərhələsinə buraxılan və buraxılmayan namizədlərin siyahısı saytımızın "Namizədlər" bölməsində paylaşılmışdır.

Üçüncü mərhələ - "Müsahibə və sənədlərin əslinin yoxlanılması" mərhələsi 27 aprel 2026-cı ildə saat 10⁰⁰-da, müsabiqə 15⁰⁰-da SOCAR-ın Təlim, Tədris və Sertifikatlaşdırma İdarəsinin Kadr hazırlığının təşkili mərkəzində keçiriləcəkdir. (Ünvan: Bakı şəhəri, Nizami rayonu, Özbəkistan küçəsi 1, Qara Qarayev metrosunun yaxınlığında, Romance Palace şadlıq sarayının yanında).

Xəritədə baxmaq üçün bu LİNK -ə keçid edin

"Müsahibə və sənədlərin əslinin yoxlanılması" mərhələsinə dəvət olunan namizədlərin boş qalan yerə müraciət etdiyi peşənin adı, imtahan balı, müsahibədə iştirak tarixi, saatı və ünvanı Namizədlər bölməsində paylaşılmışdır.

Müsahibəyə buraxılan namizədlər aşağıda qeyd olunan sənədlərin əslini gətirməlidir!

• Şəxsiyyət vəsiqəsi (əsli)
• Diplom və ya tam orta təhsil haqqında attestat (əsli)
• Hərbi biletin əsli (oğlanlar üçün - əsli)
• Sağlamlıq haqqında arayış (forma 86 - əsli)
• Rentgen flüoroqrafiyası

Yuxarıda qeyd olunan sənədlərin əslini gətirməyən və ya müsahibəyə vaxtında gəlməyə namizədlərin müraciətlərinə baxılmayacaqdır.

Müsabiqə şərtlərinə əsasən, bir neçə namizəd eyni bal topladığı halda və imtahan nəticələri bərabər olduqda, üstünlük aşağıdakı meyarlara görə müəyyən edilir:

• Təhsil pilləsi (səviyyəsi) daha yüksək olan namizədə üstünlük verilir.
• Təhsil pilləsi eyni olduqda isə, orta attestat (və ya diplom) balı daha yüksək olan iştirakçı üstün sayılır.

Qeyd 1 : Orta ixtisas, ilk peşə və ali təhsilli namizədlər attestat əvəzinə diplom təqdim etməlidirlər.
Qeyd 2 : Qəbul bitdikdən sonra yuxarıda qeyd olunmuş qaydaların pozulması aşkarlandıqda qaydanı pozan şəxs dərhal müsabiqədən kənarlaşdırılacaqdır.
Qeyd 3 : SOCAR təlim mərkəzlərini bitirən şagirdlərin işlə təmin olunmaları ilə bağlı öhdəçilik daşımır.

Qəbul Komissiyası