SOCAR Trading SOCAR-ın beynəlxalq marketinq və ticarət qoludur. İlkin olaraq Azərbaycan xam neftinin beynəlxalq bazarlarda satışını həyata keçirmək məqsədilə yaradılmış şirkət zamanla xam neft, yüngül və orta distillatlar, mazut, LPG, LNG, təbii qaz, neft-kimya məhsulları, gübrələr, eləcə də bioyanacaq və karbon ticarəti üzrə fəaliyyət göstərən şaxələndirilmiş əmtəə ticarəti biznesinə çevrilmişdir.
Cenevrə, London, Sinqapur, Dubay və Hyustonda yerləşən beş əsas ticarət mərkəzi vasitəsilə fəaliyyət göstərən SOCAR Trading, SOCAR-la əlaqəli əmtəə axınlarının marketinqini beynəlxalq enerji bazarlarında üçüncü tərəflərlə ticarət fəaliyyəti ilə birləşdirir.
SOCAR Trading, həmçinin təchizat və offtake əməliyyatları vasitəsilə SOCAR-ın dəyər zənciri üzrə fiziki aktivlərə kommersiya dəstəyi göstərir.
SOCAR Trading-in fəaliyyəti
Xam neft
Azeri Light SOCAR Trading-in xam neft biznesinin əsasını təşkil etməyə davam edir. Şirkət bazar biliklərinə, ticarət imkanlarına və kontragent şəbəkəsinə əsaslanaraq Azərbaycan xam neftini beynəlxalq müştərilərə satır.
Məhsullar
SOCAR Trading komandaları LPG, yüngül və orta distillatlar, mazut, neft-kimya məhsulları, gübrələr və bioyanacaq üzrə fəaliyyət göstərir.
LNG
LNG SOCAR Trading-in şaxələndirilmiş portfelinin mühüm hissəsinə çevrilmişdir və bu biznes beynəlxalq bazarlarda coğrafi əhatəsini və işgüzar əlaqələrini genişləndirməyə davam edir.
Təbii qaz
SOCAR Trading Avropa üzrə fiziki təbii qaz biznesini inkişaf etdirmiş və TTF, PSV və ZTP daxil olmaqla əsas ticarət mərkəzlərində, eləcə də Şərqi Avropa bazarlarında fəaldır. Bu komanda fiziki ticarəti optimallaşdırma, hedcinq və portfel strategiyası ilə birləşdirir.
Maliyyə alətləri ilə ticarət (Paper Trading)
Maliyyə alətləri ilə ticarət (Paper Trading) komandası həm SOCAR Qrupunun əməliyyatları, həm də xarici müştərilər üçün hərtərəfli hedcinq xidmətləri göstərir.
Karbon ticarəti
SOCAR Trading həm tənzimlənən, həm də könüllü karbon bazarlarında fəaldır. Şirkətin fəaliyyəti karbon ticarətini, ekoloji məhsullar üzrə həlləri və karbon layihələrinin inkişaf etdirilməsini əhatə edir.
ESG göstəriciləri
SOCAR Trading ESG göstəriciləri barədə hər il hesabat verir və dayanıqlılıq amillərini əməliyyatlarına və ticarət fəaliyyətinə inteqrasiya etməyə davam edir. Şirkətin ESG təşəbbüslərinə istixana qazı izinin monitorinqi, dəniz daşımalarının ekoloji göstəricilərinin yaxşılaşdırılması və ekoloji məhsullar üzrə ticarət imkanlarının inkişaf etdirilməsi daxildir.
SOCAR Trading üçüncü tərəf qiymətləndirmə təminatçılarının müstəqil ESG reytinqlərindən tutmuş şirkətin fəaliyyət göstərdiyi icmalarda korporativ sosial məsuliyyət (KSM) fəaliyyətlərinə qədər geniş spektrli ESG təşəbbüslərini həyata keçirir. SOCAR Trading-in ESG göstəriciləri və daha geniş dayanıqlılıq fəaliyyəti haqqında ətraflı məlumat SOCAR Trading-in illik ESG hesabatlarında təqdim olunur.
Əməkdaşlarımız
SOCAR Trading-in Cenevrə, London, Sinqapur, Dubay və Hyustonda yerləşən beş əsas ticarət ofisində 250-dən çox əməkdaş çalışır. İşçi heyətində 38-dən çox millətin nümayəndəsinin təmsil olunması şirkətin fəaliyyət göstərdiyi bazarların beynəlxalq xarakterini əks etdirir.
SOCAR Trading gənc mütəxəssislər üçün təcrübə imkanları da təklif edir və iştirakçılara enerji ticarəti biznesi ilə birbaşa tanış olmaq, həmçinin müxtəlif şöbələrin fəaliyyəti barədə praktiki təsəvvür əldə etmək imkanı yaradır.
SOCAR Trading-in fəaliyyəti haqqında daha ətraflı məlumat üçün bu keçiddən istifadə edin: SOCAR Trading.
Media: