ƏN SON XƏBƏR

Upper Head Image

SOCAR İnsan resurslarının idarə edilməsinin 10 illik yekunlarını QHT nümayəndələri ilə müzakirə etdi Müzakirədə 32 QHT nümayəndəsi iştirak etdi

Mayın 7-də SOCAR-ın İnsan resursları departamentinin 10 illik fəaliyyəti ilə bağlı 32 QHT nümayəndəsi ilə onlayn görüş keçirilmişdir.
İştirakçıları salamlayan SOCAR-ın Kadr, rejim və informasiya texnologiyaları üzrə vitse-prezidenti Xalik Məmmədov şirkətin insan resurslarının idarə edilməsi sahəsində 10 il ərzində aparılmış islahatlardan bəhs edərək, demişdir:.

“Son 15 ildə Azərbaycan Respublikasının Prezidenti cənab İlham Əliyevin qarşımızda qoyduğu hədəflərə uyğun olaraq, SOCAR böyük inkişaf yolu keçmiş, apstrim fokuslu milli neft şirkətindən tam inteqrasiya olunmuş neft və qaz şirkətinə çevrilmiş, beynəlxalq enerji şirkətləri sırasında özünə layiqli yer tutmuşdur. Biz 10 il əvvəl aparıcı neft şirkətlərinin təcrübəsinə əsaslanaraq, İnsan Resursları Departamentini yaratdıq və dünyanın aparıcı universitlərində bu sahədə yüksək səviyyəli müasir təhsil almış, tərəfdaş transmilli şirkətlərdə təcrübə keçmiş gənc milli kadrlarla komplektləşdirdik.

ətraflı oxu TAM XƏBƏR
NewspaperXəbərlər arxivi

SOCAR-ın prezidenti qocaman neftçini “Fəxri neftçi” döş nişanı ilə təltif etdi

Qocaman neftçi, Azərbaycan Respublikası Prezidentinin fərdi təqaüdçüsü Hüseynov Vaqif Qulu oğlu 80 illik yubileyi münasibəti ilə SOCAR-ın “Fəxri neftçi” döş nişanı ilə təltif olunmuşdur.
Bu münasibətlə yubilyarı qəbul edib, çoxminli neftçilər ailəsinin təbriklərini ona çatdıran SOCAR-ın prezidenti Rövnəq Abdullayev demişdir: “Hörmətli Vaqif müəllim, Siz Azərbaycan dəniz neft sənayesinin bacarıqlı təşkilatçısı, yüksək ixtisaslı mütəxəssislərindən biri kimi uzun illər Xəzər dənizindəki yataqlardan neftin-qazın çıxarılmasında bilavasitə iştirak etmiş, şərəfli bir yol keçmiş, öz fəaliyyətinizlə hər zaman gənclərə nümunə olmusunuz”.

Qocaman neftçi Vaqif Hüseynov son illərdə ölkə başçısı İlham Əliyev cənablarının rəhbərliyi altında neft, neft-kimya sənayesinin inkişafı istiqamətində görülmüş işlərdən, qazanılmış uğurlardan danışmış, göstərilən diqqət və qayğıya görə təşəkkürünü bildirmiş, neft-qaz sənayesində çalışan gənclərdən hər zaman hörmət gördüyünü söyləmişdir.

V.Hüseynov Azərbaycan Sənaye İnstitutunu bitirdikdən sonra ömrünü neft sənayesi ilə bağlamışdır. Əmək fəaliyyətinə indiki “Balaxanıneft” Neft Mədənlər İdarəsində operator vəzifəsindən başlamış, sonra həmin İdarədə usta, sahə rəisi işləmişdir. 1969-1679-cu illərdə “Xəzərdənizneft” Birliyində mühəndis, böyük mühəndis, 1979-1988-ci illərdə “Xəzərdənizneftqazsənaye” Ümumittifaq Sənaye Birliyinin birləşmiş dispetçer idarəsinin rəisi, 1988-1991-ci illərdə “Xəzərdənizneftqazsənaye” İstehsalat Birliyinin Mərkəzi Mühəndis Texnoloji Xidmətinin rəisi, 1991-1996-cı illərdə “Neft Daşları” NQÇİ-nin, 1996-2003-cü illərdə “Qum adası” NQÇİ-nin rəisi vəzifələrində çalışmışdır.

TAM XƏBƏR ətraflı oxu

SOCAR-ın prezidenti Gürcüstanın Baş naziri ilə görüşdü

Aprelin 30-da SOCAR-ın prezidenti Rövnəq Abdullayev Gürcüstana işgüzar səfəri çərçivəsində Gürcüstanın Baş naziri İrakli Qaribaşvili ilə görüş keçirmişdir.
Görüşdə Gürcüstanın qaz təchizatı və qazlaşdırılması sahəsində qarşılıqlı əməkdaşlığın hazırkı vəziyyəti, tərəfdaşlığın genişləndirilməsi perspektivləri və bir sıra başqa məsələlər müzakirə olunmşdur.

Görüşdə «SOCAR Energy Georgia» MMC-nin baş direktoru Mahir Məmmədov da iştirak etmişdir.

«SOCAR Energy Georgia» MMC 2006-cı ildən Gürcüstanda fəaliyyət göstərir. Bu müddət ərzində şirkət Gürcüstan iqtisadiyyatına 1,2 milyard ABŞ dollarından artıq investisiya qoymuş və dövlət xəzinəsinə 1,7 milyard ABŞ dolları məbləğində vergi ödəmişdir. Bu gün şirkət bütün Gürcüstan ərazisində 770 mindən çox qaz istehlakçısına xidmət edir. Ölkədə SOCAR brendi ilə 111 yanacaqdoldurma məntəqəsi fəaliyyət göstərir.

TAM XƏBƏR ətraflı oxu

SOCAR və Sberbank PSC-nin birgə bəyanatı

SOCAR Antipinski neft emalı zavodu və zavodun törəmə şirkəti olan NKNP MMC-yə məxsus yataqların idarə olunması üzrə layihədə iştirakını uğurla başa vuraraq, Sberbank Publik Səhmdar Cəmiyyəti ilə birgə müəssisəsi olan “SOCAR Enerqoresurs” MMC-nin kapitalından çıxır. SOCAR “Antipinski NEZ” Səhmdar Cəmiyyətinə məxsus mülkiyyətin iflas proseduru çərçivəsində onun satışında iştirak etməmək qərarına gəlib, çünki zavodun satın alınması SOCAR-ın cari strategiyasına daxil deyil.
SOCAR-ın prezidenti Rövnəq Abdullayev demişdir: “Sberbank ilə tərəfdaşlığımız çərçivəsində belə bir mürəkkəb aktivlə işləmək bizim üçün böyük məsuliyyət yaradırdı. Biz bütün təcrübəmizi, biliklərimizi və səriştəmizi ortaya qoyduq və Rusiya ərazisində federal miqyaslı böyük istehsalatla işləmək sahəsində dəyərli təcrübə qazandıq. Göstəilən etimada və səmimi tərəfdaşlığa görə Sberbanka təşəkkürümüzü bildiririk. Ümid edirik ki, qarşıda bizi əməkdaşlığımızın yeni üfüqləri gözləyir”.

Sberbank SOCAR-ın Antipinski NEZ və NKNP yataqlarının səhmdarı olan “SOCAR Enerqoresurs” şirkətinin effektiv idarəçiliyində əvəzsiz rol oynadığını qeyd edir və SOCAR-a minnətdarlığını bildirir.

TAM XƏBƏR ətraflı oxu

Azərbaycan Dövlət Neft Şirkətinə baxış

SOCAR-ı kəşf et

Azərbaycan Respublikası Dövlət Neft Şirkəti (SOCAR) Azərbaycan ərazisindəki neft və qaz yataqlarının axtarışı, kəşfiyyatı və işlənməsi, neftin, qazın və qaz kondensatının hasilatı…

ətraflı oxu

Beynəlxalq reytinq

Beynəlxalq aləmdə investorlar və kredit təşkilatları hər hansı bir şirkətlə əməkdaşlıq etmək istədikdə ilk öncə sözü gedən şirkətin beynəlxalq reytinqini nəzərdən keçirirlər

ətraflı oxu