15 October 2020                                                                    

2020-ci ilin III rübündə qazma, hasilat, emal və ixrac göstəriciləri

                               

                               

2020-ci ilin üçüncü rübündə SOCAR tərəfindən 1,8 milyon tondan çox¹ neft, 1,8 milyard kubmetrdən çox² qaz hasil olunmuşdur. OPEC+ razılaşması çərçivəsində götürülmüş məhdudlaşdırma öhdəlikləri ilə əlaqədar olaraq, əvvəlki ilin müvafiq dövrü ilə müqayisədə neft hasilatında azalma qeydə alınmışdır. Öhdəliklər yalnız xam neft hasilatını əhatə etdiyi üçün qaz hasilatında artım tempi davam etmişdir. Müvafiq dövrdə ölkə üzrə 8,2 milyon tona yaxın³ neft, 8,2 milyard kubmetrə yaxın⁴ qaz hasil edilmişdir.

Üçüncü rüb ərzində qazma işləri şirkət üzrə 11 min metr⁵, ölkə üzrə isə 42 min metrə yaxın⁶ həcmlərdə həyata keçirilmişdir.

Eyni zamanda SOCAR tərəfindən 1,3 milyon tona yaxın⁷ neft, 827 milyon kubmetrdən çox⁸ təbii qaz emal olunmuşdur.

SOCAR-ın xammal üzrə ixrac göstəriciləri 3,7 milyon tona yaxın⁹ neft, 148 milyon kubmetrdən çox¹⁰ qaz həcmlərini təşkil etmişdir. 2020-ci ilin 3-cü rübündə ölkə daxilində 2,3 milyard kubmetrə yaxın qaz¹¹ istehlak olunmuş, 3 milyard kubmetrdən artıq¹² qaz isə ölkədən ixrac edilmişdir ki, bu da ötən ilin müvafiq dövrü ilə müqayisədə 13 faiz çoxdur. Rüb ərzində həm də SOCAR-ın müəssisələrindən istehsal olunmuş 571 min ton¹³ neft, neft-kimya və qaz-kimya məhsulu xarici ölkələrə ixrac edilmişdir.

Qeyd: Mətndə qeyd olunan rəqəmlər oxunaqlılıq məqsədi ilə yuvarlaqlaşdırılıb. Tam dəqiq rəqəmlər müvafiq olaraq, aşağıdakı istinadlarda göstərilmişdir.

¹1.803.310 ton

²1.842.764.000 kubmetr

³8.184.440 ton

⁴8.183.295.000 kubmetr

⁵11.105 metr

⁶41.525 metr

⁷1.256.412 ton

⁸827.481.000 kubmetr

⁹3.637.330 ton

¹⁰148.153.000 kubmetr

¹¹2.296.008.000 kubmetr

¹²3.012.618.000 kubmetr

¹³571.471 ton