ƏN SON XƏBƏR

Upper Head Image

Ekologiya İdarəsində seminar keçirilmişdir

Martın 17-də SOCAR-ın struktur bölmələri, əməliyyat şirkətləri və birgə müəssisələrində “Tərkibində polixlorbifenil birləşmələr olan yağların idarə edilməsi üzrə Fəaliyyət Planı”nın icrasına dair treninq-seminar keçirilmişdir.
Seminarda Ekologiya və Təbii Sərvətlər Nazirliyi və Azərbaycan Milli Elmlər Akademiyasının nümayəndələri, energetika və ekologiya sahəsində çalışan mütəxəssislər iştirak etmişdir. Tədbirdə SOCAR-da təsdiq edilmiş Fəaliyyət Planının icrası ilə əlaqədar, BMT-nin “Davamlı üzvi çirkləndiricilər haqqında” Stokholm Konvensiyası, davamlı üzvi çirkləndiricilər və onların ətraf mühitə, insan sağlamlığına mənfi təsirləri, elektrik avadanlıqlarında aşkar olunan polixlorbifenil maddələrin idarə olunması haqqında seminar iştirakçılarına məlumat verilmiş, ETSN və AMEA nümayəndələrinin, SOCAR-ın Ekologiya İdarəsi mütəxəssislərinin hazırladıqları prezentasiyalar təqdim edilmişdir.

Seminarın sonunda Fəaliyyət Planının icrası istiqamətində görüləcək tədbirlər haqqında fikir mübadiləsi aparılmışdır.

ətraflı oxu TAM XƏBƏR
NewspaperXəbərlər arxivi

BANM-də Xonça festivalı keçirilmişdir

Bakı Ali Neft Məktəbində Novruz bayramına həsr olunmuş Xonça festivalı keçirilmişdir. BANM-nin İngilis dili və humanitar fənlər Mərkəzi tərəfindən təşkil olunmuş festivalda tələbələrdən ibarət 14 komanda iştirak etmişdir.
Festival çərçivəsində üç müsabiqə - yumurta döyüşü, şirniyyatın sürətlə yeyilməsi və xonça müsabiqəsi təşkil olunmuşdur. Müsabiqəyə tələbələrin hazırladığı 20 xonça təqdim edilmişdir. Festivalda ən zövqlü xonça tərtibatına görə “İngilis N2” qrupu qələbə kubokunu qazanmışdır. BANM-in “Neft-qaz mühəndisliyi” ixtisası üzrə təhsil alan 1-ci kurs tələbəsi Asəf Səfərov yumurta döyüşü müsabiqəsində, “Kimya mühəndisliyi” ixtisası üzrə təhsil alan 1-ci kurs tələbəsi Fərid Tağıyev isə şirniyyatların sürətlə yeyilməsi müsabiqəsində qalib olmuşdur.

Tədbirdə çıxış edən BANM-in rektoru Elmar Qasımov qalib tələbələri və məktəbin müəllim-tələbə heyətini Novruz bayramı münasibəti ilə təbrik etmişdir.

TAM XƏBƏR ətraflı oxu

Novruz bayramı münasibətilə qaçqın və məcburi köçkünlərə yardımlar edilmişdir

SOCAR erməni təcavüzü nəticəsində doğma yurdlarından didərgin düşmüş qaçqın və məcburi köçkünlərə qayğı göstərilməsini daim diqqət mərkəzində saxlayır.
Hər il dövlət bayramları ərəfəsində SOCAR təmsilçiləri Şirkətin himayəsində olan qaçqın və məcburi köçkün ailələrinin məskunlaşdığı qəsəbələrə baş çəkir, onlara humanitar yardımlar, bayram sovqatları aparırlar. Xeyriyyəçilik missiyasına sadiq qalan SOCAR tərəfindən bu günlərdə Novruz bayramı münasibəti ilə Ağdam rayonunda yerləşən “Dördyol 1, 2”, “Təzəkənd” qəsəbələrində və Dördyol-Mamırlı ərazisində məskunlaşmış 10522 nəfər, Füzuli rayonunun Əhmədalılar, Mirzənağılı və Qazaxlar kəndlərində məskunlaşmış 4000 nəfər, Tərtər rayonunda məskunlaşmış 13000 nəfər, Sumqayıt şəhərində məskunlaşmış 1700 nəfər məcburi köçkün və şəhid ailəsinə ümumi çəkisi 236,7 tona yaxın ərzaq yardımı aparılmışdır.

Bayram sovqatına düyü, şəkər tozu, çay, un, yağ və digər zəruri ərzaq məhsulları daxil edilmişdir. SOCAR nümayəndələri məcburi köçkünlərlə görüşərək, onları Novruz bayramı münasibəti ilə təbrik etmiş, əmin olduqlarını bildirmişlər ki, Azərbaycan Respublikasının Prezidenti İlham Əliyev cənablarının rəhbərliyi altında Azərbaycanda aparılan uğurlu daxili və xarici siyasət qaçqın və məcburi köçkün ailələrinin tezliklə öz doğma el-obalarına qayıtmalarına şərait yaradacaqdır.

TAM XƏBƏR ətraflı oxu

Bakı Ali Neft Məktəbi BP ilə növbətı layihəni həyata keçirəcək

Bakı Ali Neft Məktəbi ilə BP və Twenty Eighty Strategy Execution şirkətləri arasında əməkdaşlıq çərçivəsində “Layihələrin idarə olunmasi məktəbi”nin (School of Project Management-SPM) açılış mərəsimi keçirilmişdir. Tədbirdə BP və BANM rəhbərliyinin, SPM məzunlarının, AMCHAM (Amerika Ticarət Palatası), BBG (Britaniya Biznes Qrupu) və AHK-in (Almaniya-Azərbaycan Ticarət Palatası) nümayəndələri iştirak etmişlər.
“BP Azərbaycan» şirkətinin əlaqələr, xarici işlər və regional strategiya üzrə vitse-prezidenti Bəxtiyar Aslanbəyli çıxışında bu gün təhsil müəssisələri ilə aparıcı şirkətlərin əməkdaşliq etməsinin aktual olduğunu söyləmiş, “Layihələrin idarə olunmasi məktəbi” çərçivəsində BANM ilə əməkdaşlıq nəticəsində daha böyük nailiyyətlər qazanılacağına inandığını bildirmişdir. BANM-in rektoru Elmar Qasımov ali məktəbin BP və digər transmilli şirkətlərlə əlaqələrin inkişafında maraqlı olduğunu, “Layihələrin idarə olunması məktəbi” layihəsi çərçivəsində nəticələri ABŞ-ın Corc Vaşinqton Universiteti tərəfindən qiymətləndiriləcək məzunların BANM-də yüksək biliklərə yiyələləcəklərini qeyd etmişdir.

Twenty Eighty Strategy Execution şirkətinin proqram meneceri Ed Hyuz BANM-də tələbələr üçün yaradılan şərait və imkanların yüksək səviyyədə olduğunu söyləmiş, bu layihədə iştirak edən hər bir mütəxəssisin idarəetmə, planlaşdırma və büdcəyə nəzarət, risklərin idarə olunması, liderlik və keyfiyyət kimi aspektləri daha dərindən öyrənmək imkanı qazandığını vurğulamışdır.

Sonra tərəflər arasında Anlaşma Memorandumu imzalanmışdır.

TAM XƏBƏR ətraflı oxu

Azərbaycan Dövlət Neft Şirkətinə baxış

SOCAR-ı kəşf et

Azərbaycan Respublikası Dövlət Neft Şirkəti (SOCAR) Azərbaycan ərazisindəki neft və qaz yataqlarının axtarışı, kəşfiyyatı və işlənməsi, neftin, qazın və qaz kondensatının hasilatı…

ətraflı oxu

Beynəlxalq reytinq

Beynəlxalq aləmdə investorlar və kredit təşkilatları hər hansı bir şirkətlə əməkdaşlıq etmək istədikdə ilk öncə sözü gedən şirkətin beynəlxalq reytinqini nəzərdən keçirirlər

ətraflı oxu